Қанот футболчиси Винисиус Жуниор "Реал" билан янги шартнома имзолади.
Бразилиялик футболчининг "қироллик клуби" билан янги келишуви 2022/23 йилги мавсумда ОАВда эълон қилинганди, бироқ расмий тасдиқ ҳали берилмаган.
Diario AS хабарига кўра, 22 ёшли футболчи "Реал" билан 2027 йилнинг июнигача мўлжалланган янги шартнома имзолаган. Бу ҳақда футболчи таътилдан қайтганидан сўнг тез орада расман эълон қилиниши кутилмоқда.
Винисиус Жуниор “Реал” сафида 225 та ўйин ўтказиб, 59 та гол ва 64 та голли узатмага муаллифлик қилган.
У 2018 йилнинг ёзида Бразилиянинг "Фламенго"сидан "қаймоқранглилар" таркибини тўлдирган эди.