"Бавария" ярим ҳимоячиси Марсель Забитцер "Бешиктош"нинг трансфер мақсадига айланди.
Мюнхенликлар австриялик футболчи билан хайрлашишга тайёр, чунки у мураббий Томас Тухелнинг режаларига тўғри келмайди.
Fanatik хабарига кўра, "Бешиктош" Забитцерни жамоасига таклиф қилмоқчи. Тез орада турк клуби 29 ёшли ярим ҳимоячининг вакиллари билан учрашиб, бу ҳамкорликни муҳокама қилиши керак. Томонлар 2023/24 йилги мавсум охиригача ҳисобланган ижара бўйича келишиб олишлари эҳтимоли катта.
Эслатиб ўтамиз, сўнгги мавсумнинг иккинчи ярмида Марсель Забитцер "Манчестер Юнайтед"да ижара асосида ўйнаганди. Инглиз клуби футболчини “Бавария”дан харид қилмасликка қарор қилди.
