"Bavariya" yarim himoyachisi Marsel Zabitser "Beshiktosh"ning transfer maqsadiga aylandi.
Myunxenliklar avstriyalik futbolchi bilan xayrlashishga tayyor, chunki u murabbiy Tomas Tuxelning rejalariga to‘g‘ri kelmaydi.
Fanatik xabariga ko‘ra, "Beshiktosh" Zabitserni jamoasiga taklif qilmoqchi. Tez orada turk klubi 29 yoshli yarim himoyachining vakillari bilan uchrashib, bu hamkorlikni muhokama qilishi kerak. Tomonlar 2023/24 yilgi mavsum oxirigacha hisoblangan ijara bo‘yicha kelishib olishlari ehtimoli katta.
Eslatib o‘tamiz, so‘nggi mavsumning ikkinchi yarmida Marsel Zabitser "Manchester Yunayted"da ijara asosida o‘ynagandi. Ingliz klubi futbolchini “Bavariya”dan xarid qilmaslikka qaror qildi.