Мадриднинг “Атлетико” клуби ўзининг расмий сайтида “Сельта” ҳимоячиси Хави Галан билан шартнома имзолаганини эълон қилди.
28 ёшли испаниялик билан келишув 2026 йилнинг 30 июнига қадар амал қилади.
Хави Галан 2021 йилнинг июлидан буён "Сельта"да ҳаракат қилаётган эди. 2022/23 йилги мавсумда футболчи 40 та ўйинда 1 та гол урди ва 4 та голли узатмани амалга оширди.
Transfermarkt.com портали футболчини 12 миллион еврога баҳоламоқда.