Мадриднинг “Атлетико” клуби ҳужумчиси Альваро Мората “Ал-Иттифоқ”нинг нишонига тушди.
Саудия клуби раҳбарияти Стивен Жеррард бош мураббий этиб тайинлангач, юлдуз футболчилар таркибини кучайтириш ниятида. “Ал-Иттифоқ” “Астон Вилла”дан Филиппе Коутиньони сотиб олмоқчи экани аввалроқ хабар қилинганди. MailSport хабарига кўра, Жеррард жамоаси сафини яна бир таниқли футболчи - Альваро Мората кучайтириши мумкин, унга "Милан" ҳам даъвогарлик қилмоқда.
30 ёшли испанияликнинг “Атлетико” билан шартномаси 2023/24 йилги мавсум охирида якунига етади. Transfermarkt ҳужумчининг трансфер қийматини 20 миллион еврога баҳоламоқда.