Madridning “Atletiko” klubi hujumchisi Alvaro Morata “Al-Ittifoq”ning nishoniga tushdi.
Saudiya klubi rahbariyati Stiven Jerrard bosh murabbiy etib tayinlangach, yulduz futbolchilar tarkibini kuchaytirish niyatida. “Al-Ittifoq” “Aston Villa”dan Filippe Koutinyoni sotib olmoqchi ekani avvalroq xabar qilingandi. MailSport xabariga ko‘ra, Jerrard jamoasi safini yana bir taniqli futbolchi - Alvaro Morata kuchaytirishi mumkin, unga "Milan" ham da’vogarlik qilmoqda.
30 yoshli ispaniyalikning “Atletiko” bilan shartnomasi 2023/24 yilgi mavsum oxirida yakuniga yetadi. Transfermarkt hujumchining transfer qiymatini 20 million yevroga baholamoqda.
