"ПСЖ" 2022/2023 йилги мавсумда жамоани бошқарган Кристоф Галтье билан шартномани бекор қилди.
Le Parisien нашри хабарига кўра, сешанба куни 56 ёшли мутахассис шартномани бекор қилиш тўғрисидаги ҳужжатни имзолаган. Галтье 6 миллион евро миқдорида товон пули олади.
"ПСЖ" яқин орада Кристоф Галтьенинг истеъфоси ва Луис Энрикенинг тайинлангани ҳақида расман эълон қилиши кутилмоқда. Сешанба куни испаниялик мутахассис Парижга етиб келди. Энрике чоршанба куни режалаштирилган матбуот анжуманида таништирилиши мумкин.
Эслатиб ўтамиз, Галтье бошчилигида "ПСЖ" 2022/2023 йилги мавсумда Франция чемпионига айланганди.