"Брентфорд" "Вулверхэмптон" ҳимоячиси Натан Коллинз билан шартнома имзолаганини эълон қилди.
Коллинз "Брентфорд" билан яна 2 йилга узайтириш имконияти билан 6 йил муддатга шартнома имзолади.
"Брентфорд" расмий сайти хабарига кўра, трансфер суммаси клуб учун рекорд бўлган. SkySports аввалроқ Коллинзнинг трансфери "Брентфорд"га 23 миллион фунт стерлингга тушгани ҳақида хабар берган эди.
Натан Коллинз ўтган мавсумда "Вулверхэмптон" таркибида Премьер-лигада 26 та ўйинда майдонга тушди.