"Brentford" "Vulverxempton" himoyachisi Natan Kollinz bilan shartnoma imzolaganini e’lon qildi.
Kollinz "Brentford" bilan yana 2 yilga uzaytirish imkoniyati bilan 6 yil muddatga shartnoma imzoladi.
"Brentford" rasmiy sayti xabariga ko‘ra, transfer summasi klub uchun rekord bo‘lgan. SkySports avvalroq Kollinzning transferi "Brentford"ga 23 million funt sterlingga tushgani haqida xabar bergan edi.
Natan Kollinz o‘tgan mavsumda "Vulverxempton" tarkibida Premyer-ligada 26 ta o‘yinda maydonga tushdi.