Мадриднинг “Реал” клуби ярим ҳимоячиси Серхио Аррибас фаолиятини Германия Бундеслигасининг топ-клубида давом эттириши мумкин.

Журналист Флориан Плеттенбергнинг ёзишича, “қаймоқранглилар” футболчиси Дортмунднинг “Боруссия” клубининг трансфер рўйхатидан жой олган.

Маълум қилинишича, ҳозир Серхио "арилар"нинг асосий трансфер нишони эмас, шу сабабли немис жамоаси вакиллари фаол ўрганишмоқда.

Аррибаснинг Мадрид билан шартномаси 2025 йилнинг ўрталарига қадар амал қилади. Transfermarkt портали "Реал"нинг 21 ёшли футболчисининг нархини уч ярим миллион еврога баҳоламоқда.