"Валенсия" дарвозабони Георги Мамардашвили тез орада "Бавария"га ўтиши мумкин.
Журналист Дача Цурцумия хабарига кўра, айни дамда грузиялик футболчи ўз агенти билан Мюнхенда. Олдинроқ Мамардашвилини "Бавария" қисқа рўйхатига киритгани хабар қилинганди, аммо 22 ёшли дарвозабон клуб учун устувор вариант эмас.
Ўтган мавсумда Мамардашвили барча мусобақалар доирасида 42 та ўйинда қатнашиб, ўз дарвозасидан 49 та гол ўтказиб юборди ва 9 марта ўз дарвозасини дахлсиз қолдиришга муваффақ бўлди.
Дарвозабоннинг "Валенсия" билан шартномаси 2027 йилгача мўлжалланган. Transfermarkt портали Мамардашвилининг нархини 25 миллион еврога баҳоламоқда.
