"Valensiya" darvozaboni Georgi Mamardashvili tez orada "Bavariya"ga o‘tishi mumkin.
Jurnalist Dacha Sursumiya xabariga ko‘ra, ayni damda gruziyalik futbolchi o‘z agenti bilan Myunxenda. Oldinroq Mamardashvilini "Bavariya" qisqa ro‘yxatiga kiritgani xabar qilingandi, ammo 22 yoshli darvozabon klub uchun ustuvor variant emas.
O‘tgan mavsumda Mamardashvili barcha musobaqalar doirasida 42 ta o‘yinda qatnashib, o‘z darvozasidan 49 ta gol o‘tkazib yubordi va 9 marta o‘z darvozasini daxlsiz qoldirishga muvaffaq bo‘ldi.
Darvozabonning "Valensiya" bilan shartnomasi 2027 yilgacha mo‘ljallangan. Transfermarkt portali Mamardashvilining narxini 25 million yevroga baholamoqda.
