"Бавария" жорий трансфер ойнасида Харри Кейн билан шартнома имзолашни якунламоқчи.
"Тоттенхэм" ҳали ҳужумчининг трансферига рози бўлгани йўқ, аммо Германия Бундеслигаси гиганти инглиз юлдузини қўлга киритиш учун уринишларни қолдирмаяпти.
Журналист Кристиан Фалькнинг фикрича, "Бавария" Кейнни қўлга киритиш учун ҳам трансфер нархи, ҳам футболчининг маоши бўйича ноодатий катта харажатларга боришга тайёр. Қайд этилишича, Мюнхен клуби агар келишув амалга ошса, 29 ёшли футболчига йилига 12 миллион еврога яқин маош тўлайди. Потенциал ҳамкорликнинг молиявий шартлари аллақачон ҳужумчининг атрофидагилар билан муҳокама қилинган.
