"Bavariya" joriy transfer oynasida Xarri Keyn bilan shartnoma imzolashni yakunlamoqchi.
"Tottenxem" hali hujumchining transferiga rozi bo‘lgani yo‘q, ammo Germaniya Bundesligasi giganti ingliz yulduzini qo‘lga kiritish uchun urinishlarni qoldirmayapti.
Jurnalist Kristian Falkning fikricha, "Bavariya" Keynni qo‘lga kiritish uchun ham transfer narxi, ham futbolchining maoshi bo‘yicha noodatiy katta xarajatlarga borishga tayyor. Qayd etilishicha, Myunxen klubi agar kelishuv amalga oshsa, 29 yoshli futbolchiga yiliga 12 million yevroga yaqin maosh to‘laydi. Potensial hamkorlikning moliyaviy shartlari allaqachon hujumchining atrofidagilar bilan muhokama qilingan.
