Кристоф Галтье энди "ПСЖ" бош мураббийи эмас. Клуб 56 ёшли мутахассис билан шартномани бекор қилиш қарорини расман эълон қилди. Парижликлар амалга оширилган ишлар учун Галтьега миннатдорчилик билдиришди, шунингдек, мураббийга келажакдаги фаолиятида омад тиладилар.
Галтье 2022/2023 йилги мавсумда "ПСЖ"ни бошқарган. Парижликлар ушбу мутахассис қўл остида Франция чемпионлиги ва Суперкубогида ғалаба қозонишди. Чемпионлар лигасида эса парижликлар 1/8 финалда "Бавария"га ютқазиб қўйишди.
Луис Энрике "ПСЖ"нинг янги бошқарувчисига айланиши кутилмоқда. Испаниялик мутахассис Испания терма жамоасини тарк этгач, ўтган йил охиридан бери ишсиз эди.
