Лиссабоннинг "Бенфика" клуби яқинда Туринда "Ювентус"ни тарк этиб, эркин агентга айланган ярим ҳимоячи Анхел ди Мария билан шартнома имзолайди. Журналист Фабрицио Романонинг ёзишича, томонлар трансфернинг барча шартларини келишиб олган.
Манба берган хабарга кўра, "Бенфика" айни дамда Ди Мария трансферини расман эълон қилишга ва футболчининг тақдимот маросимини ўтказишга ҳозирлик кўрмоқда. Эслатиб ўтамиз, Анхел 2010 йилнинг ёзида "Реал"га ўтгунга қадар Лиссабон клубида ўйнаган эди.
Ди Мария ўтган мавсумда "Ювентус" сафида А Серияда 4 та гол ва 4 та голли узатмани амалга оширди.
