Туриннинг "Ювентус" клуби ҳозирда чекланган трансфер бюджетига эга, аммо тез орада вазият ўзгариши мумкин.
Журналист Жанлука ди Марционинг фикрича, ҳужумчилар Душан Влахович ва Федерико Кьеза сотилган тақдирда, “кекса синьора” таркибни кучайтириш учун катта маблағга эга бўлади.
Эслатиб ўтамиз, Влахович учун "Ювентус" тахминан 80 миллион евро, Кьеза учун эса тахминан 40 миллион евро талаб қилмоқда. Шу билан бирга, Федериконинг шартномаси икки йилдан кейин тугайди. Раҳбарият аввалроқ италиялик футболчига ультиматум қўйганди: у ё янги шартнома имзолаши ёки бошқа жамоага ўтиши керак.
Англия Премьер-лигаси жамоалари аввалроқ Влахович ва Кьезага жиддий қизиқиш билдиришган.
