Килиан Мбаппе билан трансфер достони ҳали якунланмади. "ПСЖ" президенти лавозимида ишлаётган Носир ал-Хелайфи Мбаппе эркин агент сифатида клубни тарк этмаслигини очиқчасига эълон қилди.
Бундан ташқари, Лига 1 гранди раҳбари 24 ёшли форвардга ўйлаб олиш учун муддатни белгилаб берди.
"Мбаппе кўпи билан икки ҳафта қарор қабул қилиши керак. Агар у янги шартнома имзолашни истамаса, эшиклар очиқ.
Ҳеч ким клубдан юқори бўла олмайди. Бу нафақат футболчиларга, балки менга ҳам тегишли", - дея ал-Хелайфи сўзларини келтиради Le Parisien.
