А Серия ва Лига 1 клубларининг қизиқишига қарамай, “Арсенал” ярим ҳимоячиси Рейсс Нельсон “канонирлар” билан шартномасини узайтиришга яқин турибди.
Таниқли журналист Фабрицио Романонинг хабар беришича, Рейсс Нельсон "Арсенал" билан янги узоқ муддатли шартнома имзолаган. Маълум қилинишича, футболчининг янги шартномаси тўрт йилга мўлжалланган ва июль ойи бошидан кучга киради. Расмий баёнот кейинроқ эълон қилинади.
Рейсс Нельсон "Арсенал" тарбияланувчиси. Ўтган мавсумда у барча мусобақаларда 18 та ўйинда майдонга тушиб, 3 та гол урган. Transfermarkt портали 23 ёшли ярим ҳимоячининг нархини 12 миллион еврога баҳоламоқда.
