Миланнинг “Интер” клуби спорт директори лавозимини эгаллаб турган футбол функционери Пьеро Аузилио Лондоннинг “Челси” клуби билан ҳужумчи Ромелу Лукаку трансфери борасидаги музокаралар ҳақида гапирди.
“Ромелу биз у билан шартнома имзоламоқчи эканлигимиздан хабардор. Ҳозир биз мос ечим излаяпмиз. У "Челси" футболчиси ва биз лондонликлар билан алоқадамиз. Улар аллақачон Лукакуни ижарага бермасликларини айтишган. Шу муносабат билан, биз тўлиқ трансфер шартларини кўриб чиқмоқдамиз", - дейди Аузилио.
Ромелу ўтган мавсумда "Интер"да ижара асосида ўйнаганди. Бельгиялик футболчи 25 та ўйин ўтказиб, 10 та гол ва 6 та голли узатмага муаллифлик қилган.