"Лацио" ярим ҳимоячиси Сергей Милинкович-Савич фаолиятини Саудия Арабистонида давом эттириши мумкин.
Журналист Николо Скиранинг хабар беришича, маҳаллий клублардан бири сербиялик футболчига йилига 20 миллион евро маош таклиф қилмоқда.
Бироқ манбанинг аниқлик киритишича, Милинкович-Савич ҳозирча Саудия Арабистонига кўчиб ўтиш тарафдори эмас. 28 ёшли футболчи ҳозирча Европада қолмоқчи.
Милинкович-Савичнинг "Лацио" билан шартномаси тугашига бир йил қолди, аммо футболчи тез орада бошқа клубга ўтишни истамоқда. Футболчига Туриннинг “Ювентус” клуби қизиқаётган эди, аммо “кекса синьора” ҳозирча ҳеч қандай таклиф билан чиққани йўқ.
