Каталониянинг “Барселона” клуби собиқ футболчиси Жерар Пике футболни соғинмаслигини айтди.
“Мен футболни умуман соғинмайман. Бу аллақачон ўтган босқич. Қарор қабул қилинди, орқага йўл йўқ. Фаолиятимда кўп совринларни ютганман, шунинг учун энди бу ҳақда ўйламайман. Ҳозир менинг танам жисмоний фаолиятни талаб қилмайди. Усиз ўзимни ажойиб ҳис қиламан. Менинг фалсафам - ўзим хоҳлаган нарсани қилишдир", - деди Пике AS билан суҳбатда.
Пике фаолиятининг асосий қисмини "Барселона"да ўтказган. У "кўк-анорранглилар" сафида 616 та ўйин ўтказиб, 53 та гол урди ва 15 та голли узатмани амалга оширди. Ҳимоячи ўтган йилнинг охирида фаолиятини якунлашини эълон қилган эди.
