Kataloniyaning “Barselona” klubi sobiq futbolchisi Jerar Pike futbolni sog‘inmasligini aytdi.

“Men futbolni umuman sog‘inmayman. Bu allaqachon o‘tgan bosqich. Qaror qabul qilindi, orqaga yo‘l yo‘q. Faoliyatimda ko‘p sovrinlarni yutganman, shuning uchun endi bu haqda o‘ylamayman. Hozir mening tanam jismoniy faoliyatni talab qilmaydi. Usiz o‘zimni ajoyib his qilaman. Mening falsafam - o‘zim xohlagan narsani qilishdir", - dedi Pike AS bilan suhbatda.

Pike faoliyatining asosiy qismini "Barselona"da o‘tkazgan. U "ko‘k-anorranglilar" safida 616 ta o‘yin o‘tkazib, 53 ta gol urdi va 15 ta golli uzatmani amalga oshirdi. Himoyachi o‘tgan yilning oxirida faoliyatini yakunlashini e’lon qilgan edi.