"Пахтакор" навбатдаги 3 очкони қўлга киритди ва чемпионлик учун одимлашда давом этмоқда.

Майдон эгалари "Динамо"га қарши ўйин катта устунликка эга бўлишди ва ҳар иккала бўлимда биттадан вазиятни голга айлантира олишди. Иккила гол бир-бирига жуда хўшаб кетди. Ҳар иккала вазиятда голга Илҳом Суюнов ассистентлик қилди.

35-дақиқада Темурхўжа Абдухолиқов, 74-дақиқада эса Станислав Андреев дарвозагача 22-23 метрлар масофадан дарвоза бурчагини аниқ нишонга олишди.

Ўйиннинг 66-дақиқасида Шаҳбоз Эркинов жудаям қулай вазиятда гол ура олмади. Аниқроғи, Эркиновнинг 5-6 метр масофадан йўллаган зарбасини қайтаришга муваффақ бўлган дарвозабон Мельничукка тасанно айтиш керак.

Ўйиннинг 80-дақиқасида Иван Нагаев бир ҳимоячи таъқиби остида дарвозабон билан бирга-бир вазиятга чиқиб, дарвоза томон зарба берди, аммо унинг зарбаси ноаниқ чиқди.

"Бунёдкор" клуби "Шўртан"га қарши баҳсни 5-6 ноябрь кунлари ўтказади. Ушбу ўйингача "Пахтакор" асосий рақиби билан 5 очколик фарқни сақлаб туради.

ОЛИЙ ЛИГА. 24-ТУР
"ПАХТАКОР" - "ДИНАМО" - 2:0
Гол: Темурхўжа Абдухолиқов (35), Станислав Андреев (74)
“Пахтакор”: Лобанов, Суюнов, Клецков, Кримец, Ҳошимов, Исматуллаев, Махарадзе, Шарофетдинов, Андреев, Каримов (Шотурсунов 65), Абдухолиқов (Бабаян 80).
"Динамо": Мельничук, Мустафоев, Почуев, Рисқуллаев, Хвостунов, Абибуллаев, Мамадалиев, Сайфиев, Жадигеров, Бойдедаев, Нагаев.
Ҳакамлар: З.Қодиров, М.Мажидов, А.Снетков, Р.Копадзе.
Назоратчи: Г.Имомов.