"Манчестер Юнайтед" ярим ҳимоячиси Мэйсон Маунт "Челси"дан кетишининг ташаббускори у эмас, балки Лондон клуби раҳбарияти эканлигини айтди. Эслатиб ўтамиз, "аристократлар" англияликни бонусларни ҳисобга олмаганда 60 миллион еврога сотишган.
"Бир неча ой олдин мен "Челси"нинг режаларининг бир қисми эмаслигимни англадим. Менда “Манчестер Юнайтед” билан вариант бўлганида, мен дарҳол трансферга рози бўлдим. Бу клубда кўплаб афсонавий футболчилар тўп сурган. Мен ушбу жамоанинг бир қисми бўлишни хоҳлардим", - дея Маунтнинг сўзларидан иқтибос келтиради "Қизил иблислар" расмий сайти.
