"Челси" ҳимоячиси Сесар Аспиликуэта "Атлетико Мадрид"да тиббий кўрикдан муваффақиятли ўтди ва шартнома имзолади. 33 ёшли испаниялик латералнинг "матрасчилар" билан шартномаси 2025 йилнинг ёзига қадар мўлжалланган, деди инсайдер Фабрицио Романо.
Битим суммаси ошкор қилинмади. Transfermarkt хабарига кўра, Аспиликуэта беш миллион еврога баҳоланган.
Ҳимоячи "Челси"да 2012 йилнинг август ойидан буён ўйнаб келмоқда. Англия Премьер-лигасининг сўнгги мавсумида Сесар 25 та ўйинда қатнашиб, учта сариқ карточка олди.