"Ноттингем Форест" клуби "Манчестер Юнайтед"дан дарвозабон Дин Хендерсоннинг трансфери устида ишламоқда. Журналист Лори Уитвеллнинг ёзишича, "ўрмончилар" инглиз учун 35 миллион евро тўлашга тайёр.
"Манчестер Юнайтед" Хендерсонни сотишга тайёр, чунки футболчи раҳбариятнинг режаларига киритилмаган. Диннинг ўзи қолишни истамайди, чунки у захирада қолиб кетишини тушунади.
Хендерсон ўтган мавсумда ижара асосида "Ноттингем Форест"да ўйнади. Мавсумнинг иккинчи ярмида инглиз футболчиси жароҳат туфайли майдонга туша олмади, бу эса "ўрмончилар"нинг Кейлор Навасни ижарага олишига сабаб бўлди.