"Nottingem Forest" klubi "Manchester Yunayted"dan darvozabon Din Xendersonning transferi ustida ishlamoqda. Jurnalist Lori Uitvellning yozishicha, "o‘rmonchilar" ingliz uchun 35 million yevro to‘lashga tayyor.
"Manchester Yunayted" Xendersonni sotishga tayyor, chunki futbolchi rahbariyatning rejalariga kiritilmagan. Dinning o‘zi qolishni istamaydi, chunki u zaxirada qolib ketishini tushunadi.
Xenderson o‘tgan mavsumda ijara asosida "Nottingem Forest"da o‘ynadi. Mavsumning ikkinchi yarmida ingliz futbolchisi jarohat tufayli maydonga tusha olmadi, bu esa "o‘rmonchilar"ning Keylor Navasni ijaraga olishiga sabab bo‘ldi.