"Манчестер Юнайтед" дарвозабон Давид де Хеа билан шартнома борасидаги вазиятни муҳокама қилиш учун юзма-юз учрашишни режалаштирмоқда.

ESPN мухбири Роб Доусоннинг сўзларига кўра, испаниялик дарвозабоннинг "Манчестер Юнайтед"даги келажаги борасида ноаниқлик сақланиб қолмоқда.

Клуб раҳбарияти агар "Интер" дарвозабони Андре Онана сотиб олинса, Де Хеа жамоадаги ҳолатидан норози бўлиши мумкинлигидан хабардор. Манбада айтилишича, испаниялик футболчи иккинчи дарвозабон бўлишга рози бўлмайди.

Клуб раҳбарияти барча томонлар учун ўзаро мақбул ечим топиб, тажрибали дарвозабонни жамоада сақлаб қолишга умид қилмоқда.