"Ювентус" ярим ҳимоячиси Артур Мело "Монца"га ўтмайди.
"Ливерпуль"даги омадсиз мавсумдан сўнг жамоага қайтган 26 ёшли футболчи Массимилиано Аллегрининг режаларида эмас ва Турин клуби айни дамда бразилиялик билан хайрлашиш йўлларини қидирмоқда. Журналист Альфредо Педулланинг сўзларига кўра, "Ювентус" "Монца"га Артурни ижарага олишни таклиф қилган, эътиборлиси, "кекса синьора" ярим ҳимоячининг маошининг катта қисмини ўз зиммасига олишга тайёр эди, бироқ "қизил-оқлар" буни рад этишди.
Артур Мелонинг "Ювентус" билан амалдаги шартномаси 2025 йилнинг ўрталарига қадар тузилган. "Ливерпуль" таркибида футболчи ўтган мавсум давомида фақат битта ўйин ўтказди.