"Ювентус" ёзда бразилиялик ярим ҳимоячи Артур Мело билан хайрлашмоқчи. Бу ҳақда журналист Николо Скира хабар берди.
Манбага кўра, 26 ёшли футболчига "Вулверхэмптон" қизиқиш билдирмоқда. Қайд этилишича, инглиз клуби бразилияликни ижарага олиш учун “Ювентус”дан Артур ҳақида маълумот сўраган.
Эслатиб ўтамиз, Артур ўтган мавсумни “Ливерпул”да ижара асосида ўтказган. "Қизиллар" таркибида ярим ҳимоячи битта ўйинда майдонга тушди. Аввалроқ "Монца" клуби футболчи хизматидан бош тортгани ҳақида хабар берилганди.
Артурнинг Турин клуби билан амалдаги шартномаси 2025 йилнинг ёзига қадар тузилган. Transfermarkt портали Бразилия терма жамоасининг собиқ футболчисини 15 миллион еврога баҳоламоқда.
