Чемпионшипга тушиб кетган "Саутгемптон" жамоаси янги мавсумга тайёргарликни давом эттирмоқда. Журналист Пит О'Руркнинг хабар беришича, "авлиёлар" "Манчестер Юнайтед" ҳужумчиси Амаду Диаллони ижарага олмоқчи.
Аввалроқ, ивуарлик футболчи келаси мавсумда "қизил иблислар" сафида қолиши мумкинлиги ҳақида хабар берилганди. Футболчининг тақдирини жамоа бош мураббийи Эрик тен Хаг белгилаб беради, у мавсумолди машғулотларида Амадунинг ҳолатига баҳо бермоқчи.
Диалло ўтган мавсумда Чемпионшипда ўйнайдиган "Сандерленд"га ижарага берилганди. "Қора мушуклар" сафида Амаду Англия иккинчи дивизионида 39 та ўйинда 14 та гол урди.
