Ярим ҳимоячи Мануэль Угарте "ПСЖ"нинг энг қиммат харидлари бешлигига деярли кирди.

Француз гиганти 22 ёшли футболчини Лиссабоннинг "Спортинг" клубидан 60 миллион еврога сотиб олганди.

Transfermarkt маълумотларига кўра, уругвайлик футболчи "ПСЖ"нинг барча даврлардаги олтинчи энг қиммат трансфери ҳисобланади.

Парижликлар учун фақатгина Неймар (222м, "Барселона"), Килиан Мбаппе (180м, "Монако"), Ашраф Ҳакимий (68м, "Интер"), Эдинсон Кавани (64,5м, "Наполи") ва Анхель ди Мария (63 миллион, "Манчестер Юнайтед") ундан кўпроқ пул эвазига ўтган.

Мануэль Угартенинг "ПСЖ" билан шартномаси 2028 йилнинг июнигача амал қилади.