“Интер” ҳужумчиси Самуэле Мулатьери “Сассуоло” билан шартнома имзолади, дея хабар беради клуб расмий сайти.
22 ёшли италиялик билан шартнома шартлари ҳақида маълумот берилмаган. Transfermarkt келишувни 6 миллион еврога баҳоламоқда.
“Интер” аввалроқ “Сассуоло”дан ярим ҳимоячи Давиде Фраттезини сотиб олиш шарти билан ижарага олганди.
Мулатьери ўтган мавсумни “Фрозиноне”да ижара асосида ўтказди. У Б серияда 29 та ўйинда майдонга тушиб, 12 та гол ва 4 та голли узатмани амалга оширган.