“Inter” hujumchisi Samuele Mulatyeri “Sassuolo” bilan shartnoma imzoladi, deya xabar beradi klub rasmiy sayti.
22 yoshli italiyalik bilan shartnoma shartlari haqida ma’lumot berilmagan. Transfermarkt kelishuvni 6 million yevroga baholamoqda.
“Inter” avvalroq “Sassuolo”dan yarim himoyachi Davide Frattezini sotib olish sharti bilan ijaraga olgandi.
Mulatyeri o‘tgan mavsumni “Frozinone”da ijara asosida o‘tkazdi. U B seriyada 29 ta o‘yinda maydonga tushib, 12 ta gol va 4 ta golli uzatmani amalga oshirgan.