"Лацио" ярим ҳимоячи Сергей Милинкович-Савич трансфери учун катта миқдорда товон пули талаб қилади.
28 ёшли сербнинг римликлар билан шартномаси бир йилдан сўнг тугайди ва кўплаб клублар, жумладан, А Серия гранди ҳам ушбу вазиятдан фойдаланиб, жорий трансфер ойнасида ярим ҳимоячини арзонлаштирилган нархда сотиб олишни режалаштиришган.
Милинкович-Савич учун асосий даъвогар "Ювентус" бўлиб, унинг янги спорт директори Криштиану Жунтоли футболчини асосий мақсадлардан бири сифатида белгилаган. Инсайдер Жанлука ди Марцио хабарига кўра, шартнома муддати тугашига оз қолганига қарамай, "Лацио" раҳбарияти учун 40 миллион евро сўрамоқда. Бундай талаб потенциал харидорларга мос келмаслиги мумкин.
