Мадриднинг “Реал” клуби туркиялик вундеркинд Арда Гюлернинг трансферини тезда якунлади. 18 ёшли ярим ҳимоячи Европадаги энг истиқболли иқтидорлардан бири ҳисобланади.
Қолаверса, футболчи сўнгги дақиқада "Барселона"дан тортиб олинди. У каталонияликлар билан гуёки келишиб олгандек эди, аммо якунда бари 180 градусга ўзгариб кетди.
Каталонияни Мадридга алишган яна тўрт нафар юлдуз билан танишинг. Спойлер: рўйхатдагиларнинг ҳаммасининг Мадриддаги карьераси муваффақиятли ўтган:
Криштиану Роналду
Лео Месси билан афсонавий рақобат умуман бўлмаслиги ҳам мумкин эди, чунки португалиялик 2009 йилда деярли "Барселона"га кўчиб ўтиб, аргентиналик билан бир жамоада ҳаракат қилиш имконига эга бўлган. "МЮ" футболчини Каталонияга жўнатган, аммо ҳаёт Криштиануни Мадридга олиб кетди.
Винисиус Жуниор
Бразилиялик футболчининг ўзига кўра, у "Дунёнинг энг катта клубида ўйнашни хоҳлаган"и учун "Барса"ни эмас, балки Мадридни танлаган.
Месут Ўзил
Немис ярим ҳимоячиси иккита таклиф олди ва уларни тарозига солди. Якунда танлов Мадридга қаратилди. Ўша пайтда клуб мураббийи бўлган Жозе Моуриньо бу трансферда катта иш бажаршан. Маълум бўлишича, Гюлер ўз кумирининг изидан борган.
Марко Асенсио
Марко ёшлигида каталонияликлар билан шартнома имзолашга яқин қолганини тан олган. Испаниялик футболчининг сўзларига кўра, у "Мальорка"да ўйнаганида унга "Барселона" қизиққан. Аммо якунда ярим ҳимоячи “Бернабеу”да тўп сурди ва учта Чемпионлар лигасида ғолиб чиқди.
