"Сампдория" лагеридан янгиликлар - қатор манбаларга кўра, Роберто Манчинининг ўғли Андреа яқинда ўз эгаларини топган клубнинг спорт директори бўлади.
Шу тариқа, клубда узоқ йиллар тўп тепган, 1991 йилда "Сампдория"ни чемпионликка олиб чиққан Роберто Манчини ҳатто Италия терма жамоасининг устози сифатида ҳам клуб тақдирида иштирок этишда давом этмоқда - лекин ўғли орқали. Катта эҳтимол билан бу ҳақда расмий хабар душанба куни эълон қилинади, дея аниқлик киритмоқда Италиянинг ITASportPress ахборот агентлиги.
Эслатиб ўтамиз, "дорианликлар" келаси мавсумни Италия футболининг иккинчи лигаси - "Б" Сериясида ўтказишади.