"Бавария" Кайл Уокернинг қарорини кутмоқда.
"Манчестер Сити" футболчиси фаолиятини Бундеслигада давом эттириши мумкинлиги хабар қилинганди.
Sky Sports журналисти Флориан Плеттенбергнинг ёзишича, ҳимоячининг трансфери Мюнхен клубига бонусларни ҳисобга олмаганда 15 миллион еврога тушиши мумкин.
Томонлар ҳамкорлик шартлари - шартнома муддати ва футболчининг маоши борасида келишиб олишган. Ҳозирда "Бавария" фақат ҳимоячининг трансферга розилигини кутмоқда.
Уокер ўтган мавсумда Премьер-лигада 27 та ўйинда майдонга тушди.