Андре Онана ва "Манчестер Юнайтед" шахсий шартнома шартларини келишиб олди.
Инглиз клуби “Интер” дарвозабонини сотиб олмоқчи. Маълум бўлишича, клублар 27 ёшли футболчининг трансфери бўйича 55 миллион еврога яқин келишувга эришган.
Журналист Альфредо Педулла хабарига кўра, "Манчестер Юнайтед" ва футболчи ҳамкорлик шартлари бўйича келишиб олишган: шартнома 5 йилга мўлжалланган, Онананинг маоши мавсумига 6,5 дан 7 миллион еврогача, бонусларни ҳисобга олмаганда.
Онана "Интер"га 2022 йилнинг ёзида "Аякс" билан шартномаси тугаганидан кейин текинга ўтган эди. Ўтган мавсумда у "нерадзуррилар" сафида барча турнирларда 41 та ўйин ўтказган (шундан 19 таси қуруқ ўтказилган) ва 36 та гол ўтказиб юборган.