29 октябрь куни БААга етиб келган Ўзбекистон ёшлар терма жамоаси шу куннинг ўзидаёқ дастлабки машғулотларни ўтказди. Машғулотлар терма жамоа делегацияси 1 ноябрь кунига қадар қиладиган «Etisalat» академиясининг майдонларида ўтказилди.

30 октябрдан бошлаб Ўзбекистон ёшлар терма жамоаси бўлажак Осиё чемпионатига тўлиқ режимда тайёргарлик кўришни бошлади. Мураббийлар штаби олдиндан белгилаб қўйилган тақвим бўйича иш олиб бориб, сешанба куни икки маҳал машғулотлар ўтказалишини белгилаб қўйди. Дастлабки машғулотлар маҳаллий вақт билан соат 9:00да бошланиб, бир соат давом этди. Жамоанинг кечки машғулотлари 18:00да бошланади ва у «Etisalat» базасига яқин ҳудуддаги стадионлардан бирида ўтказилади. Кечки машғулотлардан сўнг футболчилар ва мураббийлар штаби иштирокида мажлис бўлиб ўтади.

Эслатиб ўтамиз, Осиё чемпионати баҳслари бўлиб ўтадиган Рас ал-Ҳайм шаҳрига жўнаб кетиш арафасида, 31 октябрь куни Аҳмаджон Мусаев шогирдлари маҳаллий клубга қарши ўртоқлик учрашувида майдонга тушишади.

Ўзбекистон ёшлар терма жамоаси Осиё чемпионати гуруҳ босқичидаги дастлабки ўйинни 4 ноябрь куни ўтказади. Шу куни Мусаев шогирдлари Вьетнам терма жамоасига қарши майдонга тушишади. Ўйин Тошкент вақти билан 22:00да бошланади.