Лондоннинг "Тоттенхэм" клубининг франциялик дарвозабони Уго Льорис фаолиятини давом эттириш вариантлари маълум бўлди. Бу ҳақда Sports Zone нашри хабар бермоқда.
Манба берган хабарга кўра, дарвозабоннинг хизматлари Франциянинг "ПСЖ" ва Миланнинг "Интер" клубларига таклиф қилинган. Шунингдек, ҳозир Льорисда фаолиятини давом эттириш учун фақат аниқ вариант бор - Саудиянинг "Аш-Шабаб" клуби. Дарвозабон саудияликларнинг расмий таклифига ҳозирча жавоб қайтаргани йўқ. Льорисга номи ошкор этилмаган инглиз клуби ҳам қизиқиш билдирмоқда.
36 ёшли Льориснинг "Тоттенхэм" билан шартномаси яна бир мавсумга мўлжалланган. Дарвозабон Лондон клубида 2012 йилдан буён ўйнаб келмоқда. Transfermarkt портали 3 миллион еврога баҳолаган.
"Тоттенхэм" таркибида 11 йил давомида Льорис бирорта соврин юта олмади.
