"Челси" "Айнтрахт" ҳужумчиси Рандал Коло-Муанига қизиқиш билдирмоқда.
Аввалроқ, Лондон клуби қизиқишларига "Монпелье"нинг 20 ёшли ҳужумчиси Элье Ваи ҳам киритилгани хабар қилинганди.
Коло-Муани ўтган мавсумда "Айнтрахт" сафида 46 ўйинда майдонга тушиб, 23 гол урди ва 17 голга ассистентлик қилди. Transfermarkt портали Франция терма жамоаси футболчисини 80 миллион еврога баҳоламоқда.
Аввалроқ TMW хабар берганидек, “Айнтрахт” Европанинг топ-клубларидан 24 ёшли футболчига эътибор қаратилаётганига қарамай, Коло-Муанини яна бир мавсум сақлаб қолиш ниятида. Франциялик футболчига "Челси"дан ташқари "Манчестер Юнайтед" ҳам қизиқиш билдирмоқда.