Саудия Арабистонининг "Ал-Ҳилол" клуби Ромелу Лукакуни сотиб олишдан умидвор.

Бельгиялик журналист Саша Тавольерининг хабар беришича, ҳужумчига 3 йиллик шартнома таклиф қилинган, унга кўра Лукаку биринчи йилда 35 миллион доллар (деярли 32 миллион евро) олиши мумкин. Умуман олганда, уч йиллик шартнома давомида Ромелу 90 миллион доллар (тахминан 80 миллион евро) ишлаб олиши мумкин бўлади.

Айни дамда фақат "Ал-Ҳилол" "Челси"га керакли 40 миллион еврони тўлашга тайёр.

Лукаку Европада қолишни истайди ва "Челси" "Интер" билан трансфер борасида келишувга эриша олишига умид қилмоқда, бироқ Саудия Арабистони таклифи унга пауза берди.

Ўтган мавсумда "Интер"га ижарага берилган Лукаку барча мусобақаларда 1988 дақиқа майдонда 37 ўйинда 14 та гол урди ва 7 та голли узатмани амалга оширди.