"Брайтон" "Фарул" вингери Адриан Мазилу бўйича келишувга эришди, дея хабар беради инсайдер Фабрицио Романо руминиялик журналист Эммануэль Росуга таяниб.
Инглиз клуби 17 ёшли руминиялик футболчини қисқа вақт ичида ўз сафига қўшиб олади, бироқ футболчи 2024 йилнинг январида жамоага келиб қўшилади.
Футболчининг "Фарул" билан амалдаги шартномаси 2026 йилнинг ёзида якунига етади. Transfermarkt портали Мазилунинг нархини 1,3 миллион еврога баҳоламоқда.
Ўтган мавсумда футболчи клуб сафида 21 та ўйинда майдонга тушиб, 7 та гол урган ва 1 та голга ассистентлик қилган.