"Brayton" "Farul" vingeri Adrian Mazilu bo‘yicha kelishuvga erishdi, deya xabar beradi insayder Fabrisio Romano ruminiyalik jurnalist Emmanuel Rosuga tayanib.
Ingliz klubi 17 yoshli ruminiyalik futbolchini qisqa vaqt ichida o‘z safiga qo‘shib oladi, biroq futbolchi 2024 yilning yanvarida jamoaga kelib qo‘shiladi.
Futbolchining "Farul" bilan amaldagi shartnomasi 2026 yilning yozida yakuniga yetadi. Transfermarkt portali Maziluning narxini 1,3 million yevroga baholamoqda.
O‘tgan mavsumda futbolchi klub safida 21 ta o‘yinda maydonga tushib, 7 ta gol urgan va 1 ta golga assistentlik qilgan.
