Исроиллик ярим ҳимоячи Манор Соломон Украинанинг “Шахтёр” клубини тарк этди ва фаолиятини Англия Премьер-лигасида давом эттиради.
Фабрицио Романонинг ижтимоий тармоқлар орқали хабар беришича, Лондоннинг "Тоттенхэм" клуби футболчининг янги клубига айланди.
Соломон "шпорлар" учун тиббий кўрикдан муваффақиятли ўтди ва шартнома имзолади. Кун якунига қадар Лондон клуби келишувни расман эълон қилиши керак.
23 ёшли ярим ҳимоячи ўтган мавсумда "Фулхэм"да ижара асосида ўйнади. Ярим ҳимоячи Англия чемпионатининг 19 та учрашувида қатнашиб, 4 та гол уришга эришди.
