Бу ёзда "Бавария" учун марказий ҳужумчи позициясига футболчи сотиб олиш муҳим. "Тоттенхэм" ҳужумчиси Харри Кейнни қўлга киритиш қийин бўлгани учун "Бавария" Б режасига ўтиши мумкин.
SportBild нашри хабарига кўра, Бундеслига гиганти муқобил вариант сифатида "Манчестер Сити" футболчиси Хулиан Альваресни танлаган.
Манбага кўра, "Бавария" 23 ёшли Альваресни 2023/2024 йилги мавсум учун ижарага олиши мумкин. Бу аргентиналик учун қизиқарли вариант бўлиши мумкин, чунки у ҳозир Англияда Эрлинг Холанднинг соясида қолиб кетмоқда.
Мюнхенликлар рўйхатида "Ювентус" ҳужумчиси Душан Влахович ҳам бор.
Эслатиб ўтамиз, ўтган йил охирида Хулиан Альварес Аргентина терма жамоаси таркибида жаҳон чемпионига айланганди.
