Лондоннинг "Челси" клуби бельгиялик ҳужумчи Ромелу Лукакунинг клуб сафига қайтиш санасини ўзгартирди.
Эндиликда, агар ҳужумчи "Интер"га ўтмаса, у машғулотларни 12 июлдан эмас, балки 17 июлдан бошлаши керак, деб ёзмоқда Daily Telegraph нашри.
Манба берган хабарга кўра, ҳар икки томон футболчининг Италия клубига ўтиши 17 июлгача келишиб олинишини кутишмоқда.
Аввалроқ Лукаку лондонликлар билан машғулотларни режалаштирилган сана — 12 июлда давом эттириш ниятида эмаслиги хабар қилинганди, гарчи "Челси" бош мураббийи Маурисио Почеттино футболчини 12 ёки 13 июлда "кўклар" базасида пайдо бўлишини кутган бўлса ҳам.
Эслатиб ўтамиз, Лукаку 2022/2023 йилги мавсумни "Интер"да ижара асосида ўтказган. 2019/2020 ва 2020/2021 йилги мавсумларда у "Челси"га ўтишдан олдин "нерадзуррилар"да ўйнаган.
