Жорди Альба Европада қолиши мумкин.
Олдинроқ "Барселона"нинг собиқ ҳимоячиси "Интер Майами"га ўтишга яқин экани хабар қилинганди. AS нашрига кўра, томонлар музокаралар олиб бормоқда, бироқ келишув ҳали расмийлаштирилмаган.
34 ёшли испаниялик футболчининг фаолиятини Европада давом эттириш имкониятлари бор: унга “Интер” ва “Бенфика” қизиқиш билдирмоқда. Бундан ташқари, Альбанинг трансферига Саудия Арабистонининг икки клуби қизиқиш билдирмоқда.
Футболчи МЛСдан келган таклифни қабул қиладими ёки бошқа клубга ўтадими, ҳозирча билмайди.
Ла Лиганинг 2022/23 йилги мавсумида Альба 24 та ўйинда майдонга тушиб, 2 та гол ва 3 та голли узатмага муаллифлик қилган.
